ملاحظاتي أثناء التصوير *1

السلام عليكم , كيف حالكم ؟

فيه شي لاحظته وانا احاول اتعلم التصوير وابحث, كانت اكثر الدروس اللي نلقاها على اليوتيوب او اي احد تكلم عن التصوير يكون المقصودين فيها المحترفين

غالبا مصطلحات ما تهم كل شخص معاه كاميرا (بالاصح غير مفهومه) لان مو كل شخص معاه كاميرا يعتبر محترف عارف ايش تعني هذي الكلمه

انا هنا جمعت لكم بعض الملاحظات والنقاط العشوائيه ممكن اي احد يستفيد منها بغض النظر عن مستواه في التصوير

سواء يستخدم كاميرا ديجيتال , بروفيشنال , او حتى كميرة الجوال

لان هذا اللي كنت احتاجه وقت ما كنت ابحث , نقاط بسيطه , مصطلحات سهله , ونصائح استخدمها بشكل دائم

-الاضاءه-

الاضاءه اكثر شي يأثر على جمال الصور , اذا كانت الصوره مافيها اضاءه كافيه, الصوره تطلع فاشله بنظري

ودائما الشمس خلوه اول اختيار لكم ,حتى لو عندك فكره اكتبيها وانتظري لما بكره وصوريها بنور الشمس

اذا كان ضوء الشمس يدخل مع الشباك بشكل مباشر حاولوا تخففونه بطبقة الستاره البيضاء (الستاره طبقتين طبعا) عشان ما تتخيلون انه لازم تدورون قماش ابيض

بيعطي نور ناعم وخفيف ونتائج حلوه خاصة تصوير الاشخاص (البورتريه)

ابعدوا وتجنبوا ولا تفكرون ابدا تصورون شي يسطع عليه نور الشمس المباشر خاصة المناظر الطبيعيه

اذا كان شي جماد راح تضيع بعض التفاصيل لان الشي بعض زواياه تكون فيه نور ساطع وبعضها ظل , النور يصير غير متناسق ومتوزع على الاوبجكت

اعترف انه بعض الصور تصير حلوه لكن نادر جدا وفي بعض الحالات مو دائما

واذا كان شخص , تتوقعون ان الصوره بتصير جيده لان المكان فيه نور بس لا غلط!

الحر والنور على العيون شي مؤذي نوعا بتصير ملامح الشخص مختلفه لانه منزعج ومو مرتاح

-ملاحظات اثناء تصوير البورتريه-

الافضل عند تصوير البورتريه يكون التركيز على العيون , اختلفوا طبعا المصورين في هذا الشي , الانف او الخد او الفم , لكن ثبتوا على العيون

العيون هي اللي ممكن تعطيك انطباع عن الشخص في الصوره

والافضل انه تكون مكان العينين في ثلث الصوره اي اقرب للاعلى , حاولت ادور موديل احسن منه بس ما لقيت

يعني اذا جربتوها في احد راح تختلف النتيجه طبعا,للاحسن😛

الشي الثاني في تصوير الاشخاص واللي انا متأكده انه كلكم تعانون منه, التصوير الجماعي

اللي محيركم كلكم اذا صورتوا صوره جماعيه ليش تعجب النص والنص الثاني معارض ؟ لما وحده تناظر جهه , والثانيه تبتسم والثالثه مسكره عيونها صح ؟

هذي ملاحظه مضحكه : لما يتجهزون للتصوير , انت الشخص المصور, خلهم كلهم يغمضون عيونهم , وعد لما ثلاثه ولما توصل ثلاثه كلهم يفتحون عيونهم بوقت واحد

ونظرهم موجه للكاميرا , هنا حليتوا ثلاث ارباع المشكله!

ان شاء الله انكم استفتدوا ولو بشئ بسيط ما حبيت اطول لكن راح يكون فيه بوست ثاني ,قريب ان شاء الله

بعض الملاحظات مقتبسه من الكتاب ( اسرار التصوير الرقمي)


Tagged , , , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: